Jo, mee…?! - Impfen

Wat nëtzt da schonn déi Impfung?

Wat hunn ech dovu mech ze impfen?

Erënner dech un d'Situatioun virun net emol 6 Méint.

Huh?

Restauranten, Kinoen, Concerten... all déi Saache kanns de elo nees maachen.

An dat ass wéinst der Impfung?

Richteg. Géifen sech all d’Leit impfe loossen, kéinte mir séier all Restriktiounen ophiewen.

Wann och Geimpfter kënne krank ginn an anerer ustiechen…

Stëmmt. Mee vill manner.

Wat soll dat dann alles?

Sou gëtt de Virus vill vill manner iwwerdroen

An och e schwéieren oder déidleche Verlaf verhënnert.

Déi Impfung wierkt also?

Jo! Mir hunn haut eng vill besser Situatioun wéi viru 6 Méint. An dat ass duerch d’Impfung !

Ech fäerten d'Niewewierkunge vun der Impfung.

Muss de awer net. Déi meescht Leit sinn 1 oder 2 Deeg platt. Méi net.

Do gouf et awer och aner Problemer.

Stëmmt. Mee déi Fäll sinn extrem rar. Um Covid stierwe vill vill méi Leit.

Ah! Dann ass d'Krankheet méi geféierlech wéi d'Impfung?

Absolut!

Corona ass dach just eng Gripp

Stëmmt net! Et ass eng nei Krankheet, un där 10 mol méi Leit stierwe wéi un der Gripp.

Mee mech betrëfft dat net. Ech si jonk a staark.

Dach! Et betrëfft eis all. All Mënsch kann de Virus weider ginn.

An dat eenzegt wat eis séier schützt, ass d'Impfung.

Ok. Verstinn. Sou kann de Virus sech da manner ausbreeden.

Wa genuch anerer sech impfen, muss ech dat jo net maachen…

Dat ass e bëssen einfach, nee?

Ah sou???

Kuck emol…

wa vill Leit sou denken a just all 2ten oder 3ten sech impft…

Da kann ee sech am Endeffekt selwer jo just nach duerch eng Impfung schützen, oder?

Sou gesinn jo, effektiv. Merci.

Ech si géint eis Regierung, also sinn ech och géint d'Impfung.

Et ass däi gutt Recht, net mat allem averstanen ze sinn.

Eben!

Mee ass deng politesch Meenung méi wichteg wéi d'Gesondheet vun eis all?

Wéi mengs de dat?

Sech net impfe loossen, wann een et eigentlech kéint, kann anerer d'Liewe kaschten.